Ban Marathon 🚫 मॅरेथॉन या प्रकारावर देशभरात कायमस्वरूपी कायद्याने बंदी घालण्यात यावी

मॅरेथॉन या प्रकारावर देशभरात कायमस्वरूपी कायद्याने बंदी घालण्यात यावी ... मॅरेथॉन हे फ्याड थेर टूम बंद करायला हवं ... Ban Marathon 🚫

🏃🏻‍♀️🩼🦽 ... मॅरेथॉन या प्रकारावर देशभरात कायमस्वरूपी कायद्याने बंदी घालण्यात यावी ... 

*उष्ट्र मुख चुंबन न्याय = 😘🐪उंटाच्या तोंडाचा मुका घेणे 🥰🐫= मॅरेथॉन* हे फ्याड थेर टूम बंद करायला हवं

1.

सलग 42 किलोमीटर किंवा 21 किलोमीटर पळणे हे कोणत्याही माणसासाठी अजिबात हितकारक नाही. मुळात पळण्याच्या रनिंगच्या व्यायामाची रोजची सवय = प्रॅक्टिस असेल, तरीही इतके किलोमीटर अंतर एकाच दिवशी सलग पणे पळणे, हे आरोग्य दृष्ट्या निश्चितच हितकारक नाही आणि सामाजिक दृष्ट्या आवश्यक तर त्याहून नाही. 

आणि ज्यांना अशी सवय नाही (रोजच्या पळण्याच्या व्यायामाची), त्यांच्यासाठी तर मॅरेथॉन पळणं म्हणजे आत्मघात आहे ... जाणून-बुजून खड्ड्यात पडण्याचा उद्योग आहे

कधी नाही वग आणि डोळा उघडून बघ ... कधी नाही मिळालं आन् गट्कन् गिळलं !!! असा हा प्रकार आहे.

आयुर्वेद शास्त्रदृष्ट्या, याला *असात्म्य विहार किंवा साहस* असे म्हटलेले आहे ... म्हणजे आपल्याला सवयीचे नसलेले आणि आपल्या शक्ती सामर्थ्य क्षमता कपॅसिटी पेक्षा मोठे काम करण्याचा प्रयत्न करणे किंवा संस्कृत मध्ये याला उष्ट्र मुख चुंबन न्याय असे म्हणता येईल म्हणजे उंटाच्या तोंडाचा मुका घेणे, हे काही सोपं नसतं ... आणि आवश्यक व हितकारक तर त्याहून नसतं!!

अशा प्रकारांना पर्याय म्हणून सूर्यनमस्कार करणे (अर्धशक्ती होईपर्यंत) किंवा एअर सायकलिंग (पाठीवर उताणे झोपून कमरेपासून पाय हवेत वरती उचलून पुढील व मागील दिशेने सायकलिंग करणे) व स्पायनल ट्विस्ट (अर्धमत्स्येंद्रासना प्रमाणे) अशा प्रकारच्या निर्धोक परंतु निश्चितपणे आरोग्य रक्षक व्यायामांना पुरस्कृत केले पाहिजे.

ट्रेकिंग गिर्यारोहण किंवा मॅरेथॉन असले साहसी प्रकार इतर लोक करत असताना, मनोरंजन म्हणून आपण पाहणे, हे ठीक आहे ... परंतु असे प्रकार आपण स्वतःहून करू नयेत!!!

2.

याच्यामध्ये पुन्हा काही हौशे गवशे नवशे हे अकरा किलोमीटर आठ किलोमीटर पाच किलोमीटर तीन किलोमीटर असे अंतरही पळत असतात. ही सर्वच दीर्घ अंतर पळण्याची वृत्ती, ही शास्त्रीय दृष्ट्या आरोग्यासाठी हानिकारक आणि सामाजिक दृष्ट्या अनावश्यक आहे!

3.

प्रायः मॅरेथॉन नावाचा प्रकार हा मोठ्या/ मध्यम शहरात रविवारच्या दिवशी सकाळी आयोजित केला जातो ... आणि पुढे साधारणतः तीन ते चार तास मॅरेथॉनचा जो नियोजित मार्ग असेल, तो सगळीकडून पोलीस बॅरॅकेट्स इत्यादी प्रकारे बंद केला जातो. त्यामुळे रोज त्या मार्गावरून जाणारी वाहतूक आणि सवयीचा सोयीचा मार्ग असणाऱ्या अनेकांसाठी अचानक होणारा हा बदल त्रासदायक अडचणी निर्माण करणारा असू शकतो. 

4.

या सगळ्यांमध्ये हॉस्पिटल पर्यंत पोहोचू इच्छाणाऱ्या किंवा कुठल्यातरी इमर्जन्सी मध्ये असणार्‍या लोकांसाठी फार मोठं संकट ठरू शकते. मुळात कुठल्यातरी निष्प्रयोजन अशा उद्योगासाठी भाग घेणाऱ्यांचा आणि भाग न घेणाऱ्यांचाही वेळ वाया घालवणे ... या प्रकारचा हा उद्योग सरकारने कायदा करून कायमस्वरूपी बंद करावा.

5.

या मॅरेथॉन प्रकारातून कोणाचेच हित साधले जात नाही. एक इव्हेंट साजरा करणे , याच्या पलीकडे यातून काहीही साध्य होत नाही . वेळ पैसा एनर्जी रिसोर्सेस यांची मनसोक्त बरबादी, एवढेच ह्यातून काय ते फलित येतं. 

6.

याचे आयोजन कोणीही स्वखर्चातून करत नसतं. त्यासाठी रजिस्ट्रेशन फी मोठ्या प्रमाणात आकारली जाते आणि तरीही स्पॉन्सरशिप च्या नावाने अनेक फलक ॲडव्हर्टाईज म्हणून लागलेले असतातच. त्यामुळे रजिस्ट्रेशन फी आणि शिवाय स्पॉन्सरशिप यातून येणाऱ्या पैशाचं नेमकं काय होतं ... हे एक भगवंत जाणे!!!

7.

बाकी आतील आर्थिक सामाजिक पैलू बाजूला ठेवून, फक्त आरोग्य या दृष्टीने पाहिले असता ...

प्रायः मॅरेथॉन या सर्व थंडीच्या दिवसात म्हणजे नोव्हेंबर डिसेंबर जानेवारी या काळात होतात. अशा थंडीच्या दिवसात अगदी सकाळच्या वेळेस हाफ चड्डी किंवा हाफ शर्ट घालून म्हणजे अर्धे अधिक अंग उघडे ठेवून रूक्ष कोरड्या शुष्क ड्राय वातावरणात, थंड शीत कुल गार अशा वातावरणात सलग काही किलोमीटरचे दीर्घ अंतर पळणे , हे आरोग्यदृष्ट्या कुठेही हितकारक असू शकत नाही. उलट त्याने अकारण सर्दी, खोकला, ताप यासारखे आजार होण्याची शक्यता वाढते. 

8.

दुसरे ... पळत असताना, मनुष्य संपूर्ण शरीराचा तोल भार लोड हा एकाच पायावरती घेत असतो. म्हणजे पळत असताना त्याचा एक पाय जमीनीवर आणि बाकी दुसरा पाय आणि संपूर्ण शरीर हे हवेत असतं. त्याचे जितके वजन असेल, तेवढे संपूर्ण वजन ... दाणकन् एक झटका jerk collision या अर्थाने त्याच्या एकाच पायावरती आलटूनपालटून आदळत असतं ... आणि हे सातत्याने पुढे तीन तास ते साधारणतः अर्धा तास पर्यंत त्या त्या अंतरानुसार होत राहते. यामध्ये घोटा, गुडघा आणि कंबर यांचे निश्चितपणे नुकसान होते, झीज होते, लिगामेंट टेयर सारख्या गोष्टी यातून घडू शकतात. 

9.

स्टॅटिस्टिक्स नुसार असं काहीही घडलेलं नाही , असे सिद्ध करणे अतिशय सोपं असतं. कारण स्टॅटिस्टिक्स हे बहुसंख्य जनतेला येडं बनवण्याची, चलाख आणि चतुर लोकांनी काढलेली युक्ती आहे.

10.

मुळात ज्यांचं वय हे 25 च्या पुढे गेलेला आहे आणि त्यांचं वजन हे त्यांच्या उंचीच्या एकूण इंचांपेक्षा जास्त आहे, अशा लोकांनी अशा प्रकारे दीर्घ अंतर बराच वेळ पळत राहणं, हे निश्चितपणे त्यांच्या कंबर गुडघे आणि घोटा या सांध्यांसाठी हानिकारक असते.

11.

दुसरे ... अशा प्रकारचे दीर्घ अंतर दीर्घकाळ पर्यंत पळण्याची रोजची सवय कुणालाच असू शकत नाही.

जे काही पळणं काही लोक करतात, हौसेने ... ते साधारणतः एक ते तीन (जास्तीत जास्त पाच) किलोमीटर पर्यंत ते पळू शकतात. परंतु या प्रकारच्या पळण्याचा व्यायामही बऱ्याचदा हा मातीच्या ट्रॅक वर, नियोजित जॉगिंग ट्रॅक वर केला जातो.

12.

परंतु मॅरेथॉनच्या वेळेस मात्र हे सर्व पळणं, हे डांबरी रोडवर किंवा काँक्रीट रोड होते. 

म्हणजे पायाखाली येणारा पृष्ठभाग = सरफेस हा अत्यंत कठीण असतो. त्यामुळे खालच्या कठीण पृष्ठभागाचा, आपल्या संपूर्ण शरीराच्या वजनाच्या धक्क्यामध्ये जर्कमध्ये दणक्यामध्ये आपल्या घोट्याच्या गुडघ्याच्या कमरेच्या सांध्याच्या कोलिजन collision होणे = आदळ आपट होणे, हे निश्चितपणे आरोग्यासाठी हानिकारक आहे.

13.

म्हणून सामाजिक हिताच्या दृष्टीने आणि आरोग्य विषयक सुरक्षेच्या दृष्टीने मॅरेथॉन या प्रकारावर देशभरात कायमस्वरूपी कायद्याने बंदी घालण्यात यावी.

14.

फारच हौस असेल, हे मॅरेथॉन नावाचे प्रकार करण्याची ... तर ती बंदिस्त मैदानावर करावी. रस्त्यावर अजिबात करू नये. मूठभर लोकांच्या टुकार अनारोग्यकारक हौसेसाठी, सगळ्या जगाला वेठीला धरू नये. बंदिस्त मैदानावर गोलाकार ट्रॅक मध्ये, 42 काय ... 420 किलोमीटर पळत राहावे ... काही प्रॉब्लेम नाही !!!

15.

जर भूतदया या दृष्टिकोनातून गैलबाडा शर्यत किंवा कलीजट्टू याच्यावरती बंदी घालण्यात येऊ शकत असेल तर ... प्राण्यांच्या तुलनेत कितीतरी महत्त्वाचा असलेल्या माणूस या प्राण्याविषयी सहानुभूती करुणा दया काळजी या सर्व भावना लक्षात घेऊन, मानवांची ही पळण्याची स्पर्धा ... तातडीने, कायमस्वरूपी, कायद्याने बंदी घालून, संपुष्टात आणावी

16.

कितीही पळण्याची व्यायामाची रोजची सवय असली ,

तरी जास्तीत जास्त अंतर हे एक ते पाच किलोमीटर इतकेच पळण्याचे रोजचे , प्रायः असते ... असे असताना एकाच दिवशी 11 / 21 किंवा 42 किलोमीटर धावणे , हे आरोग्याच्या दृष्टीने , सवयीचे नसल्याने , ते शक्ती बाहेरचे काम होते ... त्यामुळे अनेकांना यानंतर अचानक हृदयविकाराचा झटका = हार्ट अटॅक किंवा ब्रेन स्ट्रोक, अशा प्रकारचा धोका , आरोग्याला निश्चितपणे संभवतो! अशी अनेक उदाहरणे अलीकडच्या काळात समोर आलेली आहेत ... म्हणून ही मॅरेथॉन नावाची अ-मानवीय अशास्त्रीय जीवघेणी स्पर्धा, तातडीने कायदा करून शासनाने कायमस्वरूपी बंद करावी