अष्टांगहृदय सद्वृत्त : भाग ५
26 12 2022
निर्गुणाचे भेटी आलो सगुणा संगे ।
तव झालो प्रसंगी गुणातीत ॥
प्रसंग म्हणजे प्र खूप, संग जवळ समीप. प्रसंग म्हणजे एखाद्या गोष्टीच्या खूप जवळ येणे.
पुण्यात शनिवार वाडा पाहायला आलोच आहे, तर तिथून अगदी जवळच (प्र संग खूप जवळ) लाल महाल , दगडू काय शेठ गणपती आहे त्याचेही दर्शन घेऊ या ...
प्रसंग म्हणजे स्मृतत्वे सति उपेक्षा अनर्हत्वम् ... आठवलं असता त्याकडे दुर्लक्ष करणे योग्य नव्हे
*अन्यथाकाम* म्हटलं तर, मग 'यथा' योग्य उचित काम म्हणजे काय असा प्रश्न येणारच. येथे थुंकू नये, असं का लिहावं लागतं, कारण तसा निषिद्ध व्यवहार/वागणूक होत असते इतरांकडून.
सेक्स स्त्री संग मैथुन याबाबत, पुढील नियम हे काय टाळावे, वर्ज्य / त्याज्य आहे, ते सांगतात, म्हणजेच काय योग्य आहे, ते आपोआपच कळेल.
जर स्त्रीसंग सेक्स मैथुन ही नैसर्गिक प्रेरणा असेल तर त्यावर सार्वजनिक व्यासपीठावर जाहीरपणे बोलण्याची काय अवश्यकता आहे? पशु पक्षी यांना शिकवावे लागते का? मागच्या पिढी पर्यंत यावर कुणी बोललं का असं मोठ्याने स्पष्टपणे?
बरोबर आहे. पण आहार मल मूत्र विसर्जन निद्रा चालणं पळणं याही नैसर्गिक प्रेरणा आहेत पण त्याच्यावर कितीतरी लिहिलं बोललं जातं!
सेक्स मैथुन यातूनच गर्भ धारणा नवजीवन या बाबी होतात. गर्भ धारणा प्रसूती जन्म याही नैसर्गिक प्रेरणा घटना आहेत. गर्भ संस्कार चे कोर्स / पुस्तके सगळं उपलब्ध आहे. डोहाळजेवण हा कौतुक सोहळा किंवा अलीकडे बेबी बंप फोटोशूट करतात. मग या सगळ्याचा जो आरंभ आहे, त्या सेक्स मैथुन बद्दल शास्त्रीय आरोग्यकारक बोलणं , समजावून सांगणे, समजावून घेणे हे आवश्यक आहे.
ग्राम्यधर्मे त्यजेत्
A.
नारीम्
1.अनुत्तानां
2.रजस्वलाम्
3.अप्रियाम्
4.अप्रियाचारां
5.दुष्टसङ्कीर्णमेहनाम्
6.अतिस्थूलकृशां
7.सूतां
8.गर्भिणीम्
9.अन्ययोषितम्
10. वर्णिनीम्
11. 11.अन्ययोनिं च ...
B.
12.गुरुदेवनृपालयम्
13.चैत्यश्मशानायतनचत्वाराम्बुचतुष्पथम्
14.पर्वाणि
15.अनङ्गं
16.दिवसं
17.शिरोहृदयताडनम्
18.अत्याशितो
19. अधृतिः
20. क्षुद्वान्
21. दुःस्थिताङ्गः
22. पिपासितः
23. बालो
24. वृद्धो
25. अन्यवेगार्त्तः
26. त्यजेद्रोगी च
... मैथुनम्
ग्राम्य धर्म म्हणजे स्त्रीसंग असे नको म्हणू या, कारण केवळ पुरुष हा स्त्रीच्यासंगतीत असतो, असे नसून ... स्त्री सुद्धा त्या पुरुषाच्या संगतीत असते, उभयतां परस्पर संग या स्थितीत असतात, म्हणून *मैथुन हा शब्द योग्य वाटतो*, सेक्स हा शब्द काहींना चीप cheap वाटण्याची शक्यता असते
कोणत्या प्रकारची स्त्री म्हणजे म्हणजे कोणत्या प्रकारचा स्त्री-देह म्हणजे कोणत्या प्रकारच्या शारीरिक स्थितीमध्ये स्त्रीसंग / मैथुन ही क्रिया करू नये हे *वर्णिनीम् अन्ययोनिं च* इथं पर्यंत सांगितलं आहे
आणि त्या व्यतिरिक्त "*कोठे केव्हा कसे* हे मैथुन करू नये" हे निषेध नियम *गुरुदेवनृपालयम्* पासून पुढे सांगितले आहेत
होण्यासाठी पुढील शारीरिक स्थितीतली स्त्री वर्ज्य आहे
1
*अनुत्ताना* : अन् उत्तान म्हणजे पोटावर झोपलेली, पालखी झोपलेली नसावी. याचाच अर्थ उत्तान म्हणजे पाठीवर झोपलेली, उताणी झोपलेली स्त्री ही शारीरिक स्थिती ही योग्य होय. म्हणूनच पॉर्न व्हिडिओ किंवा इंग्रजी चित्रपट किंवा काही वेब सिरीज यात दाखवल्या जाणार्‍या आचरट अवस्था या अयोग्य होत. Woman on Top हे शास्त्रीय/शारीरिक दृष्ट्या अयोग्य आहे. याविषयी अजून सविस्तर ॲनाटोमी शरीर रचना या दृष्टीने सांगता येईल पण आत्ता इतके पुरे.
2
*रजस्वला* : प्रत्यक्ष रजस्राव मेंसेस पाळी ब्लीडिंग सुरू असताना मैथुन करू नये; कारण अशा रजस्राव सुरू असण्याच्या काळात, स्त्रीला रक्तस्राव होत असतो, त्यामुळे तिला विश्रांतीची गरज असते. साधी करंगळीला जखम झाली तरी, आपण त्या जखमेला करंगळीला खूप जपतो. येथे तर चार दिवस भळभळ रक्तस्राव होत असतो , त्यामुळे स्त्री ही, नाजूक अवयवाच्या ठिकाणी व्रणी म्हणजेच जखमी म्हणजे wounded असते, तर तिला त्यावेळी विश्रांती आवश्यक असते. म्हणूनच मागील पिढीपर्यंत शिवाशिव सोवळं शिवू नको पालथा तांब्या वगैरे रूढींनी तिला वेगळे ठेवले जात असे व तिच्यापर्यंत तिचे जेवणाचे ताट आयते पोहोचवले जात असे. या शिवाशिव सोवळे या निमित्ताने तिला महिन्यातील किमान तीन ते चार दिवस हक्काची विश्रांती लाभत होती. आताच्या स्त्रीमुक्ती बुद्धीप्रमाणे वादामध्ये तिचे ते हक्काचे तीन-चार दिवसही दर महिन्याचे काढून घेतले गेलेले आहेत. 12 ते 50 म्हणजे 38 वर्षे, 12 महिने , 4 दिवस म्हणजे 1824दिवस म्हणजे 5 वर्षे विश्रांती आता मिळत नाही, हीच 5 वर्षे मेनोपाॅज सिंड्रोम म्हणून स्त्री व तिच्या कुटुंबाला त्रास भोगावा लागतो. आजीच्या काळात पाळी कधी गेली हे कळत होते का? आजीच्या पिढीत दहा-बारा बाळंतपणे होत असत, तरी आजीची कंबर कधी खचली नाही. आताच्या पिढीत शून्य एक किंवा दोन बाळंतपणे होतात, पण तिसऱ्या चौथ्या महिन्यापासून स्त्री बेडरेस्टला असते आणि तिची कंबर खचते, सिझेरियन होते. या सगळ्याचा पाळीच्या काळात दरमहा चार दिवस मिळणाऱ्या विश्रांतीचा नक्कीच मोलाचा वाटा आहे. यावर समाजाने आणि स्त्रियांनी विचार करावा.
*स्त्री आणि पुरुष हे एकसमान नाहीतच आणि कधीच असू शकत नाहीत. दे आर नॉट इक्वल, दे आर कॉम्प्लिमेंटरी टू ईच आदर. ते परस्पर पूरक आहेत.*
थ्री पिनचा प्लग हा थ्री पिनच्या सॉकेटमध्ये बसू शकतो, पण थ्री पिनच्या प्लग मध्ये दुसरा थ्री पिनचा प्लग घालून इलेक्ट्रिसिटी चे वहन योग्य होऊ शकणार नाही.
त्यामुळे *एकमेकांशी समान होण्यापेक्षा, एकमेकांना पूरक कॉम्प्लिमेंटरी होणं हे अधिक आवश्यक आहे*. समाजाच्या हितासाठी आणि निसर्गदत्त व्यवस्थेसाठी!!! *पाळीचे नियम असे का?* याविषयी एक सोपा व्हिडिओ आपल्या यूट्यूब चैनल वर उपलब्ध आहे त्याची लिंक पुढीलप्रमाणे https://youtu.be/tgax3FQDt2w
3
*अप्रिय स्त्री आणि अप्रिय आचरण करणारी स्त्री*, याही मैथुन यासाठी वर्ज्य होत, कारण तिथे तेवढा भावोत्कट समर्पित असा प्रीती व्यवहार/प्रवाह/संगम असू शकत नाही. केवळ एक शारीरिक कृती असल्याने त्यात उभयतांना समाधान प्राप्त होऊ शकत नाही. जरी मैथुन ही क्रिया प्रजोत्पत्तीसाठी अपत्य लाभासाठी करणे योग्य आहे, तरीही ज्या अवयवांनी ही मैथुन क्रिया केली जाते, त्या अवयवांना शास्त्रामध्ये *उपस्थ* या नावाचं कर्मेंद्रिय म्हटलेलं आहे. आपण गणपतीची प्रतिष्ठापना करताना 11 इंद्रियांची नावे घेतो, त्यातील पहिली पाच ज्ञानेंद्रिय, पुढची पाच कर्मेंद्रिये आणि शेवटचं मन ... अशी ती 11 इंद्रिय होत. पाच कर्मेंद्रियांमध्ये हस्त पाय जिह्वा गुद आणि उपस्थ या पाचांचा समावेश होतो. पैकी उपस्थ म्हणजे जननेंद्रिय ज्याचे कर्म *आनंद* हे सांगितलेले आहे म्हणजे मैथुन क्रिया ही *आनंदासाठी होणे* आवश्यक आहे. त्यामुळे त्यामध्ये *अप्रिय अशा प्रकारची व्यक्ती किंवा अप्रिय अशा प्रकारचे आचरण करणारी व्यक्ती* ही "उभय बाजूंनी" वर्ज्य आहे.
4
*दुष्ट संकीर्ण मेहना* : मेहन याचा अर्थ मूत्र करणारा अवयव त्याच अवयवाने किंवा त्या जवळील अवयवानेच मैथुन ही क्रिया होते तर हे मेहन म्हणजे मैथुन क्रियेचा अवयव, हा बिघडलेला असेल किंवा रोगग्रस्त असेल तर अशाही स्थितीत मैथुन वर्ज्य जाणावे. अनेकदा स्त्रियांना किंवा पुरुषांना काही संसर्गजन्य त्वचारोग किंवा काही जिवाणू विषाणू संसर्ग असू शकतात तर अशा वेळेला जोडीदारालाही ते होऊ नये, म्हणून मैथुन हे वर्ज्य जाणावे.
5
*अति स्थूल* या स्त्रीमध्ये अल्पेऽपि चेष्टिते श्वासन
म् म्हणजे अल्पशा शारीरिक कष्टांनीही दम लागणे अशी स्थिती होऊ शकते तर *अति कृश* स्त्रीला मैथुन ही क्रिया अबलत्वामुळे अशक्तपणामुळे सहनच होऊ शकत नाही.
6
*सूता* : सुता म्हणजे स्वतःची कन्या मुलगी. सूता याचा अर्थ सूतिका प्रसूती झालेली बाळंतीण, जिची नुकतीच डिलिव्हरी झालेली आहे. तर बाळाच्या जन्मापासून पुढे दीड महिना (45 दिवस) किमान किंवा तिची पुन्हा पाळी सुरू होईपर्यंत तिला सूता प्रसूता असे नाव आहे. तोपर्यंत तरी पुन्हा मैथुन करणे, हे लांबवावे टाळावे , कारण या काळात नवजात बालकाला वेळ देणे हे आवश्यक असते आणि मागील नऊ महिने गर्भाचे ओझे, गर्भाचे पोषण, प्रसूतीच्या काळात झालेल्या पराकोटीच्या वेदना, रक्तस्राव आणि तिथून पुढे प्रतिदिनी बाळाला स्तनपान करणे या सगळ्यांमध्ये त्या स्त्रीचा बलक्षय प्रतिदिनी होतच असतो. त्यातून तिला सावरण्यासाठी, रिकव्हर होण्यासाठी, पुन्हा मूळ सशक्त स्थितीला येण्यासाठी; विश्रांती व वेळ देणे आवश्यक असते. आताचा वेळ हा नवजात बालकासाठी आई म्हणून जास्त समर्पित होणे, नैसर्गिक स्वभाविक असते, म्हणून या काळात मैथुन हे टाळावे.
7
*गर्भिणी* : गर्भिणी स्त्री ही आता नवीन जीवाला जन्म देणार असते, अशावेळी त्या आशयामध्ये अन्य प्रकारचा संसर्ग होऊ नये, म्हणून मैथुन टाळावे. तरीही एक महिना होईपर्यंत गर्भधारणा लक्षातच येत नाही आणि साधारणतः तीन महिन्यापर्यंत उदर वृद्धी दिसतच नाही आणि गर्भिणी किंवा होऊ घातलेली आई मदर टू बी बीइंग मदर या काळामध्ये नाजूक स्थितीत असते, म्हणून शक्यतो मैथुन ही क्रिया टाळणं हे प्रशस्त होय.
8
अन्य योषिता : अन्य दुसऱ्याची, योषिता स्त्री. परस्त्री हे मातेसमानच मानावी, हा आपला संस्कार आहे. मुळातच लग्न ही संस्था, समाजातील इतर स्त्रीवर दुसऱ्या पुरुषाचे अतिक्रमण होऊ नये, म्हणून सर्वांच्या साक्षीने केलेला समजूतीचा व्यवहार असतो. हे एकच नाते आपण निवडू शकतो आणि ते निवडताना समाजातील अनेकांच्या साक्षीने ते केले जाते. सर्वच पुरुष हे समर्थ नसतात तर दुर्बल पुरुषाची ही स्त्री सुरक्षित रहावी, त्याच्यासाठी राखीव राहावी, म्हणून अन्ययोषिता परस्त्री ही मैथुनासाठी वर्ज्य आहे किंवा परस्त्री ही मातेसमान असा सामाजिक संकेत आहे.
9
वर्णिनी : काही कारणामुळे ब्रह्मचर्य स्वीकारून राहिलेल्या स्त्रीलाही मैथुनापासून वर्ज्य ठेवावे. जीवनात घडलेल्या काही प्रसंगांनी किंवा धार्मिक संस्कारामुळे किंवा काही व्रत धारणेमुळे आजन्म लग्न न करता राहणाऱ्या कितीतरी स्त्रिया, आज मी माझ्या वयाच्या पुढे मागे पाहत असतो. तर ज्या स्त्रियांनी असं अविवाहित राहणं किंवा ब्रह्मचर्य पालन करणे, हे मनापासून, समजून समजून स्वीकारलेलं आहे , त्या स्त्रिया मैथुनासाठी वर्ज्य आहेत.
10
अन्य योनी : ही ही सरळ सरळ विकृती आहे. अन्य योनी याचा अर्थ स्त्री वगळता अन्य प्राणी हे मैथुनासाठी उपयोगात आणणे. आपण अशा प्रकारच्या विकृत वार्ता वाचलेल्या असतात. गाय बकरी कुत्रा यांच्याशी मैथुन करणारे काही विकृत लोक समाजात असतात. हे सर्वत्र वर्ज्य आहे आणि कोणत्याही प्रकारे समर्थनीय नव्हेच नव्हे!
इथून पुढे काही सामाजिक संकेतानुसार काही स्थळे ही मैथुन क्रियेसाठी वर्ग सांगितलेली आहेत.
11
उदाहरणार्थ , गुरु आलय म्हणजे आपल्या गुरूंचे घर, देवालय म्हणजे मंदिर देऊळ, नृप म्हणजे आपल्या राजाचे घर किंवा आजच्या संदर्भानुसार शासक व्यक्तीचे, शासन करणाऱ्या व्यक्तीचे घर ... ह्या सर्व जागा या पवित्र मानण्याजोग्या किंवा त्यांचा आदर बाळगला पाहिजे , अशा आहेत तर अशा ठिकाणी शक्यतो मैथुन या क्रियेवरती निर्बंध संयम नियंत्रण असणे , हे सामाजिक संकेत म्हणून योग्य आहे.
चैत्य याचा अर्थ पवित्र वृक्ष किंवा बुद्धाचे स्थान असा घेतलेला आहे. स्मशान हे अप्रशस्त होय. आयतन म्हणजे कारागृह. चत्वर म्हणजेच चव्हाटा / तिकटी. चतुष्पथ म्हणजे चौक. अंबु याचा अर्थ नदी सरोवर तलाव तळं किंवा आजच्या काळात अगदी स्विमिंग टॅंक/पूल. ही सर्व ठिकाणे सार्वजनिक, अनेक लोक एकत्र येण्याची असल्यामुळे, तेथे एकांत मिळू शकत नाही, म्हणून अशा ठिकाणी मैथुन वर्ज्य सांगितले आहे.
12
पर्व : पर्व याचा अर्थ काही विशिष्ट मंगल शुभ दिवस जसे की साडेतीन मुहूर्त आषाढी महाशिवरात्र श्रावण गणपती नवरात्र
किंवा
पर्व याचा अर्थ दोन पक्ष एकत्र येतात ते दिवस म्हणजे अमावस्या पौर्णिमा , त्याच्या अलीकडची चतुर्दशी आणि त्याच्या पलीकडची प्रतिपदा, अष्टमी या तिथी पर्व या अर्थाने ओळखल्या जातात. अशा सर्व तिथींच्या वेळेला चंद्राची स्थिती बदलत असल्याने आणि चंद्र हा मनाचा कारक असल्यामुळे मनाचे चांचल्य अधिक होते आणि अशा वेळेला मैथुन ही क्रिया परस्पर समर्पण भावनेने होण्याची शक्यता नसते म्हणून पर्वकाळ टाळावा.
13
अनंग म्हणजे मैथुनासाठी दिलेला उपस्थ म्हणजे योनी हा अवयव वगळता, अन्य कुठल्याही शरीरछिद्रात, विशेषतः गुदमैथुन किंवा मुखमैथुन हे समाजात प्रचलित दिसतात. त्याला ॲनल सेक्स किंवा ओरल सेक्स असे म्हणतात. मुळात मैथुन या क्रियेचा उद्देश हा प्रजोत्पादन यापेक्षा, *आनंद* असल्याने अशा प्रकारचे विकल्प किंवा विकृती या समाजात दृढ मूल आहेत. पण हे फक्त आजच आहे असे नसून, अगदी चरक आणि सुश्रुत संहिता यातही मुखयोनी गुदयोनी नासायोनी या प्रकारची वर्णने आपल्याला सापडतात.
काही वेळा योनीगत मैथुन शक्य नसते, अशा वेळेला कडलिंग cudlling आलिंगन मिठी स्पर्शसुख यासाठी गुदयोनी किंवा मुखमैथुन हा पर्याय स्वीकारला जाऊ शकतो. कंडोम या , पूर्वी उपलब्ध नसलेल्या, परंतु आता अगदीच सहज उपलब्ध असलेल्या, साधनांमुळे अशा प्रकारच्या विकृत अनैसर्गिक मैथुनाचे शारीरिक दुष्परिणाम होणार नाहीत व विकृत का होईना, पण त्या दांपत्याला हवा असणारा आनंद, त्यातून मिळू शकतो.
14
मैथुनासाठी रात्र हा योग्य काळ आहे कारण त्याला एकांत असतो व मैथुन क्रिये नन्तर झालेले श्रम परिहार होण्यासाठी विश्रांती मिळणे रात्री शक्य असते. म्हणून दिवसा मैथुन शक्यतो टाळावे
15
मैथुन क्रियेच्या वेळी अत्यंत उद्दीपित स्टिम्युलेट एक्साइट झाल्यामुळे मारहाण करणे नखांनी बोचकारणे चावणे अशा क्रिया टाळाव्यात.
16
खूप तुडुंब पोटाला तडस लागेपर्यंत ज्याने जेवण केलेले आहे असा अत्याशित किंवा ज्याला भूक लागलेली आहे असा क्षुधित यांनी मैथुन टाळावे.
17
अधृति म्हणजे ज्याला धीर नाही, तो मैथुन क्रियेमध्ये लवकरच स्खलित स्रवित होत असल्यामुळे जोडीदाराला समाधान लाभत नाही, म्हणून त्याने मैथुन टाळावे.
18
दुस्थितांग वाकड्या तिकड्या स्थितीमध्ये मैथुन करू नये. पिपासित म्हणजे तहान लागली असताना मैथुन करू नये कारण मैथुन क्रियेमध्ये एका मृदु अवयवाला अत्यंत स्थिर कठीण अशा स्थितीत परिवर्तित करण्यासाठी शरीराला त्या अवयवामध्ये खूप मोठ्या प्रमाणावर रक्त हे पुश push करायला लागते, त्यासाठी त्या काळापुरते हृदयाचे कार्य (बीपी) हे वाढते, म्हणून भूक लागलेली असताना, तहान लागलेली असताना, मुळातच बल हानी झालेली असताना, अशा प्रकारची पुन्हा शक्ती हानी करणारी क्रिया म्हणजे मैथुन हे करू नये.
19
बाल याचा अर्थ सोळा वर्षाच्या आधी, वृद्ध याचा अर्थ 60 ते 70 वर्षांच्या नंतर, मैथुन हे वर्ज्य जाणावे. अन्य वेग याचा अर्थ जसे तहानभूक त्याचप्रमाणे मूत्र मल याचे वेग विसर्जन करण्याची स्थिती call आलेली असताना मैथुन करू नये आणि रोगी म्हणज कुठलाही आजार असलेल्या स्थितीत, मुळातच बल हानी झालेली असते म्हणून मैथुनासारखा थकवणारा विधी (क्रिया) टाळावा
याच श्लोकांच्या बरोबरीने पुढील मुद्दे ही संक्षेपाने विचारात घेऊया ...
वाजीकरण अष्टांग आयुर्वेद , जसे अष्टांग योग हा आपल्याला माहिती असतो. तसेच आयुर्वेद हा सुद्धा अष्टांग आहे. त्यामध्ये काय बाल ग्रह ऊर्ध्वांग शल्य दंष्ट्रा जरा आणि वृष. वृष याचा अर्थ वाजीकरण. वाजीकरण याचा अर्थ मैथुन शक्ती वाढवण्यासाठीचे उपाय. मुळात वाजीकरणाची व्याख्या ही *वाजीकरणतन्त्रं नाम अल्पदुष्टक्षीणविशुष्करेतसाम् आप्यायनप्रसादोपचयजनननिमित्तं प्रहर्षजननार्थं च* अशी आलेली आहे म्हणजे प्रत्यक्षात अपत्य प्राप्तीसाठीचे जे बीज , त्या बीजाची स्थिती ही अधिकाधिक चांगली होण्यासाठीचे उपाय आणि त्याचबरोबरीने अपत्यप्राप्तीसाठी ही जी क्रिया त्या मैथुनाच्या क्रियेमध्ये सुद्धा सुलभता सुकरता आणि यशस्विता यावे, यासाठी उपाय ... असे एक स्वतंत्र अंग, ज्याला आपण स्पेशालिटी म्हणतो , तसे आयुर्वेदामध्ये पूर्वी होते.
योगरत्नाकर येथील अष्टविध मैथुन : स्मरणम् कीर्तनम् केली प्रेक्षण गुह्यभाषण संकल्प अध्यवसाय क्रियानिर्वृत्ती मैथुनम्
पंचसायक अनंगरंग वात्स्यायन लिखित कामसूत्र खजुराहो येथील मंदिरात असलेल्या शिल्पाकृती : जेव्हा भारतात अतिशय राजकीय स्थैर्य हे प्रदीर्घ काळा करती होते, तेव्हा निर्माण झालेली आहेत. जेव्हा प्रदीर्घ काळ संघर्ष विरहित राजकीय स्थैर्य व शांतता समाजात असते, तेव्हा त्याचा संघर्षाचा पराक्रमाचा भाव हा हळूहळू लोप पावतो, मावळतो ... सगळं काही जेव्हा प्रचंड संपन्न स्थितीत उपलब्ध असतं , तेव्हा काहीतरी अपूर्ण आहे , म्हणून त्यासाठी करावे लागणारे प्रयत्न, त्यासाठी करावी लागणारी धडपड ही थांबते आणि मग कुठल्याच प्रकारची प्रेरणा स्टीम्युलेशन नसल्यामुळे, अहर्ष अनिच्छा ही सार्वत्रिक होते आणि म्हणून अशा वेळी शुक्र अहर्ष इरेक्टाईल डिस्फंक्षन नाॅन स्टिम्युलेशन अशा बाबी ह्या समाजात दिसू लागतात. कधीकाळी जेव्हा भारतीय राजे हे सम्राट होते, विश्वविजेते होते, तेव्हा येथील समाजात अशा प्रकारचा अहर्ष नॉनस्टीमिलेशन आले आणि म्हणून त्याकाळी कदाचित उद्दीपनासाठी या प्रकारचे साहित्य व शिल्प ही निर्माण झाली असावीत. आज याच प्रकारची प्रचंड संपन्नता ही अमेरिका युरोप ऑस्ट्रेलिया या समाजात प्रदीर्घकाळपर्यंत आहे होती. त्यामुळे आणि अगदी सहजपणे अल्पवस्त्रातील स्त्री देह दर्शन हे सुलभ झाल्यामुळे किंवा नित्याचे झाल्यामुळे त्याच्याकडे पाहून येऊ शकणारी शिरशिरी रोमांच हे नष्ट झाले आणि म्हणून तिथे व्हिडिओ पॉर्न या गोष्टी वाढीस लागल्या. त्याच प्रमाणे 4 क्लीब व 6 षंढ प्राचीन आयुर्वेद संहिता ग्रंथात वर्णन केलेले आहेत. सुशिक्षित समजूतदार आणि सुसंस्कृत समाजामध्ये जसे स्त्री विशिष्ट गायनॅकॉलॉजी माहिती असते तशीच पुरुष लैंगिक स्वास्थ्य व रोग विषयक अँड्रोलॉजी याबाबत शशांक सामक नवविवाहितांचे कामजीवन 40 नंतरचे कामजीवन या नावाने प्रदीर्घकाळ जाहीर कार्यक्रम प्रस्तुत केले.
मैथुन क्रिया ही थंडीच्या काळात म्हणजे शिशिर व हेमंत ऋतू म्हणजे साधारणतः नोव्हेंबर डिसेंबर जानेवारी फेब्रुवारी या काळात अगदी मनाप्रमाणे कितीही वेळा आठवड्यातून करणे आरोग्य शास्त्रास आयुर्वेदास मान्य आहे. परंतु त्यासोबत योग्य ते वाजीकरण औषध घ्यावे वैद्याला विचारून.
वसंत आणि शरद या काळात म्हणजे मार्च एप्रिल आणि सप्टेंबर ऑक्टोबर हिट शरीराचे बल हे मध्यम असते, त्यामुळे आठवड्यातून तीन वेळा (alternate) म्हणजे दिवसाआड मैथुन क्रिया करणे हे योग्य ठरते तर ...
ग्रीष्म आणि वर्षा म्हणजे साधारणतः मे जून जुलै ऑगस्ट या काळात पंधरा दिवसातून एखादे वेळेस मैथुन क्रिया करावी
या विषयाचा अजूनही विस्तार हा शक्य व आवश्यक आहे, परंतु आता पुरते एवढे पुरेसे आहे.
आपली पत्नी हीच आपली सखी , हीच आपली प्रिया आहे ... ही भावना मनात ठेवली तर मैथुन ही क्रिया निरंतर व चिरंतन आनंददायक असू शकते ... उभयतांसाठी !!!
WIFE चा long form हा Worries Invited For Ever असा न करता ... WIFE is LIFE असे जाणून, जर वागणूक ठेवली तर, संसार प्रपंच हा आनंददायक होईल. लग्नाच्या सुरुवातीच्या वर्षातील, तू तू मै मै, द्वैत इथंपासून ... जसं जशी जशी वर्षे सरत जातील, जशी जशी पाच पाच दहा वर्षे पुढे जातील ... तसं तसं दो जिस्म मगर एक जान है हम असं साधता येतं आणि त्या क्रमाने झळो शारीरिक आकर्षण हे कमी होऊन जाते, मैथुन वारंवारता frequency घटते ...
आणि एक आश्वासक स्पर्श आणि न बोलताही मन समजून घेणे, हे दोन्ही व्यक्तींना एकमेकात विरघळवून अद्वैताकडे एकत्वाकडे घेऊन जाऊ शकतो
अवघाची संसार
सुखाचा करीन
आनंदे भरीन
तिन्ही लोक
हे सर्व सद्वृत्त, हे तुमच्या आमच्या जीवनातल्या रोजच्या दैनंदिन व्यवहाराशी प्रॅक्टिकल बाबींशी निगडित आहे जोडलेले आहे , त्यामुळे यावर कितीही संवाद साधणं आणि कितीही विस्तार करणे हे शक्य आहे , म्हणूनच मागील दोन पोस्टमध्ये असे म्हटलेले होते ...
मनुष्य उतना कहता है
जितना वो कह पाता है
कहने को बहुत ज्यादा है
अनकहा अधिक रह जाता है
उर्वरित सात पाप कर्मे (म्हणजे चार वाचिक आणि तीन मानसिक) याविषयी पुढील भागात ...
आपल्या संयम व सहकार्य आणि प्रतिसादाबद्दल निरंतर हार्दिक आभारी आहे 🙏🏼
आपल्या शंका सूचना प्रश्न अभिप्राय यांचे स्वागत आहे
त्वदीय वस्तु गोविंद
तुभ्यम् एव समर्पये ।
तेरा तुझको अर्पण
क्या लागे मेरा ।
श्रीकृष्णाsर्पणम् अस्तु ।
🙏🏼
वैद्य हृषीकेश बाळकृष्ण म्हेत्रे.
एम् डी आयुर्वेद, एम् ए संस्कृत.
आयुर्वेद क्लिनिक्स @पुणे & नाशिक.
9422016871
www.MhetreAyurveda.com
www.YouTube.com/MhetreAyurved/
_(डिस्क्लेमर : या उपक्रमात व्यक्त होणारी मतं, ही सर्वथैव योग्य अचूक बरोबर निर्दोष आहेत असे लिहिणाऱ्याचे म्हणणे नाही. हे लेख म्हणजे वैयक्तिक मत आकलन समजूत असल्यामुळे, याच्यामध्ये काही उणीवा कमतरता दोष असणे शक्य आहे, ही संभावना मान्य व स्वीकार करूनच, हे लेख लिहिले जात आहेत.)_
