दरमहा ४ दिवस पाळीची रजा Menstruation Leave 4 days per month

https://youtu.be/tgax3FQDt2w

इथे क्लिक करा ↑ click here ↑

मागच्या पिढीतील स्त्रीला पाळीच्या दिवसांत कोणत्याच कामाला हात लावू देत नसत. कारण अजिबात तिला कुणी स्पर्श करायचा नाही आणि तिनेही कुणाला स्पर्श करायचा नाही. त्यामुळे अन्नपाणीसुद्धा तिला जागेवर मिळत असे. यामागे तिला पूर्ण विश्रांती मिळावी हाच हेतू होता. अन्यथा घरातल्या नणंद जाऊ सासू या अन्य स्त्रियांनी तिला अशी सुखासुखी विश्रांती घेऊ दिली असती का? इतकेच काय तर स्नानसुद्धा चौथ्या दिवशीच कारण रज:स्रावाचे काळात स्नानाचेसुद्धा श्रमच होतात.
आज विभक्त कुटुंबात किंवा कामावर जाणाऱ्या स्त्रीला सुद्धा कुणी अशी विश्रांती घेऊ देतंय का? का नवरा / मुलं असं म्हणतात की हे ४दिवस तू फक्त ऑफिसचे काम बघ. बाकी घरातले संपूर्ण स्वयंपाक नाश्ता आवराआवर आम्ही बघतो. खरंतर आजच्या स्त्री मुक्तीव स्त्री पुरूषसमानतेच्या जमान्यातील 'मुक्त स्त्री'वरच जास्त अत्याचार होतो. कारण तिला आज अर्थार्जनासाठी पुरूषाइतकेच राबावे लागते आणि शिवाय 'गृहिणी' म्हणून सगळी कामे आहेतच. त्यात कुठेही पुरूष मदत करत नाहीतच.
सर्वात महत्त्वाचा मुद्दा असा की साधारणपणे १२ ते ५० या वयात म्हणजे ३८ वर्षे पाळी नियमितपणे दरमहा ४ दिवस येतेच. थोडेफार अपवाद वगळता आपण हिशोबासाठी ३५ वर्षे धरू. म्हणजे ३५ वर्षे x १२ महिने X ४ दिवस = १६८० दिवस हे प्रत्येक स्त्रीच्या आयुष्यात हक्काच्या नैसर्गिक आवश्यक विश्रांतीचे आहेत. पण आज आपण ते तिला मिळू देत नाही. आणि म्हणूनच सावधान... १६८० भागिले ३६५ = ४.६ वर्षे ... जवळपास इतकाच काळ ती सध्या मेनोपॉझचे (रजोनिवृत्ती Menopause) त्रास भोगते. पूर्वी मेनोपॉझचे एवढे विचित्र स्वरूप का नव्हते. कारण दरमहाची विश्रांती मिळत असे. आता निसर्ग तेवढे दिवस केलेल्या निष्काळजीपणाची व्याजासहित वसुली करतो.
म्हणूनच प्रत्येक स्त्रीने ‘पाळीचे ४ दिवस' हे माझे हक्काचे विश्रांतीचे दिवस आहेत आणि नैसर्गिकरीत्या ते मला मिळालेच पाहिजेत याचा हट्ट धरावा. म्हणूनच आताच चला आयाबहिणींनो आपल्या न्याय्य हक्कासाठीएकत्र म्हणू या ... 'होय आम्हाला आमच्या निसर्गदत्त विश्रांतीसाठी दरमहा ४ दिवस पाळीची रजा द्या.' ... आणि तमाम पुरूषांनीही आपल्या मायभगिनींच्या कल्याणासाठी या संकल्पनेला यथाशीघ्र मूर्त रूप द्यावे. आणि आपल्या पूर्वजांच्या प्रत्येक सण उत्सव रूढी नियम व्रतवैकल्ये या सर्वामागची तर्कसंगती शास्त्रीयता यथार्थता आपणच शोधून काढायची आहे आणि त्याची युगानुरूपता आपणच साकारायची आहे.
लेखक : वैद्य हृषीकेश बा. म्हेत्रे.
एम्. डी. आयुर्वेद, एम्. ए. संस्कृत..
97 A, पाटील प्लाझा, सारसबाग जवळ, मित्रमंडळ चौक, पुणे 411009.
मोबाइल : 9422016871
www.MhetreAyurved.com

#पाळी
#पिरियड
#mc
#प्रॉब्लेम
#स्त्री
#आरोग्य
#आयुर्वेद
#Menstruation
#Period
#Problem
#Women health
#Woman
#Health
#Gynecology
#Mhetre
#Ayurved
#DoctorInPune
#DoctorInNashik
#Pune
#Nashik
#पुणे
#नाशिक